நெல்லை, தூத்துக்குடி, கன்னியாகுமரி ஆகிய மூன்று மாவட்டங்களில் கனமழை பெய்யும் என்பதால் இந்த மூன்று மாவட்டங்களில் உள்ள பொதுமக்கள் முன்னெச்சரிக்கை நடவடிக்கை உடன் பொங்கல் கொண்டாட்டத்தை கொண்டாடுமாறு அறிவுறுத்தப்படுகின்றனர்.
மேலும், இன்று தமிழக கடலோரப் பகுதிகளிலும், புதுவை, காரைக்கால் பகுதிகளிலும் லேசானது முதல் மிதமான மழை பெய்யும் என்றும், உள் தமிழகத்தில் இன்று வறண்ட வானிலை நிலவக்கூடும் என்றும் வானிலை ஆய்வு மையம் தெரிவித்துள்ளது.
இன்று சென்னை மற்றும் புறநகர் பகுதிகளில் ஓரளவு மேகமூட்டத்துடன் காணப்படும் என்றும், சில பகுதிகளில் லேசான மழை பெய்யும் என்றும் வானிலை ஆய்வு மையம் தெரிவித்துள்ளது. ஏற்கனவே இன்று அதிகாலை சென்னையில் லேசான மழை பெய்தது என்பது குறிப்பிடத்தக்கது.
