அந்த பயணிகளில் ஒருவரான நாசர் என்பவர் தான் பார்த்த சம்பவங்கள் குறித்து அதில் கூறியுள்ளார். அதில் “மேட்டுப்பாளையத்திலிருந்து ஊட்டி சென்றபோது காட்டேரி அருகே ரயில்வே ட்ராக்கில் நின்று புகைப்படங்கள் எடுத்துக் கொண்டிருந்தோம். அப்போது ஹெலிகாப்டர் ஒன்று அருகே பறப்பதை கண்டு குட்டி என்ற நண்பர் அதை வீடியோ எடுத்தார். பனிமூட்டத்தில் மறைந்த அந்த விமானம் ஒரு மரத்தில் மோதும் சத்தம் கேட்டது. பின்னர் வேகமாக மோதி வெடிக்கும் சத்தம் கேட்டது. பின்னர் சில வளைவுகளில் சென்று அது மோதிய பகுதியை பார்க்க முயன்றோம். அப்போது அங்கு சில தீயணைப்பு வாகனங்கள் சென்றன. அவர்களிடம் விசாரித்தபோது ஹெலிகாப்டர் விபத்தானது தெரிய வந்தது. இதுகுறித்து அவர்களிடம் சொன்னதுடன் நாங்கள் எடுத்த வீடியோவையும் அவர்களிடம் கொடுத்தோம்” எனக் கூறியுள்ளார்.
