தமிழக பட்ஜெட்டில் "ரூ" என குறிப்பிடப்பட்டுள்ள விவகாரம் பெரிய சர்ச்சையாக வெடித்ததற்குக் காரணம் என்ன என்பதை முதல்வர் மு.க. ஸ்டாலின் விளக்கமளித்துள்ளார். இது தொடர்பாக வெளியிட்டுள்ள வீடியோவில், அவர் கூறியதாவது:
மத்திய நிதியமைச்சரே பலமுறை 'ரூ' குறியீட்டை பயன்படுத்தியிருக்கிறார். கல்விக்காக நிதி ஒதுக்கீடு கேட்டபோது மௌனமாக இருந்த மத்திய நிதியமைச்சர், இப்போது 'ரூ' குறித்து பேசுகிறார். ஆங்கிலத்தில்கூட 'Rs' என்றே பயன்படுத்துகிறார்கள். அது பிரச்சனையாக தெரியாதவர்களுக்கு 'ரூ' மட்டும் பிரச்சனையாக உள்ளதென்பது ஆச்சரியமானது!"