ஒரே இரவில் விஜய்யின் சாலிகிராமம் வீடு, நீலாங்கரை வீடு மற்றும் பனையூர் வீடு ஆகிய இடங்களில் சோதனை நடைபெற்றது. பல மணி நேரமாக பனையூர் வீட்டில் நடந்த விசாரணை நேற்று இரவு முடிவுற்றது. விஜய் படப்பிடிப்பு தளத்தில் இருந்து அழைத்து வரப்பட்டதால் மாஸ்டர் படபிடிப்பு பாதியில் நிறுத்தப்பட்டது குறிப்பிடத்தக்கது.
இந்நிலையில் பாஜக மூத்த தலைவர் சுப்பிரமணியன் சுவாமி, ஒன்றும் இல்லை என்றால் விஜய் ஏன் கவலைப்பட வேண்டும். படப்பிடிப்பில் இருந்து அழைத்து வந்து வருமான வரித்துறை சோதனை நடத்தியது சரியில்லை என்றால் விஜய் வழக்கறிஞர்களிடம் ஆலோசனை நடத்தி வழக்கு தொடரலாம் என தெரிவித்துள்ளார்.
