கடந்த ஆண்டு நடந்த சட்டமன்ற தேர்தலில் திமுக வெற்றி பெற்று ஆட்சியமைத்த நிலையில் அதிமுக எதிர்கட்சியாக அங்கம் வகித்து வருகிறது. ஆனால் அரசின் கொள்கைகள், செயல்பாடுகளை தொடர்ந்து விமர்சித்தும், எதிர்த்தும் பாஜக தீவிரமாக ஸ்கோர் செய்து வருகிறது.
இந்நிலையில் அதிமுக மூத்த தலைவர் பொன்னையன் பாஜக குறித்து கூறிய கருத்துகளை வரவேற்பதாக நாம் தமிழர் கட்சி ஒருங்கிணைப்பாளர் சீமான் கூறியுள்ளார். மேலும் தமிழ்நாட்டில் பெரிய கட்சி என அடிக்கடி கூறி வரும் பாஜக, எதிர்வரும் நாடாளுமன்ற தேர்தலில் தமிழ்நாட்டில் எந்தவித கூட்டணியையும் அமைக்காமல் நாம் தமிழர் கட்சி போல தனித்து நின்று போட்டியிட தயாரா? என்றும் கேள்வி எழுப்பியுள்ளார்.
