சசிகலாவை அதிமுகவில் இணைக்க வாய்ப்பே இல்லை என்றும், இணைக்க வேண்டும் என்றும் அதிமுகவிலேயே இருவேறு கருத்துகள் நிலவி வரும் நிலையில் அதிமுகவில் உள்ள தனது ஆதரவாளர்களை அடிக்கடி சசிகலா சந்தித்து பேசி வருகிறார்.
இந்நிலையில் தற்போது அறிக்கை வெளியிட்டுள்ள சசிகலா “அதிமுகவை காப்பாற்ற உகந்த நேரம் வந்துவிட்டது. மீண்டும் அதே மிடுக்குடன் தலை நிமிரும். நமக்கு நடந்த தீங்கையும், கெடுதலையும் மறந்துவிட வேண்டும். அப்போதுதான் சிறப்பாக செயல்பட முடியும். அனைவரையும் ஒரே குடையின் கீழ் கொண்டு வருவேன். பொறுமையை கடைபிடிக்க வேண்டும்” என்று தெரிவித்துள்ளார்.
