கடந்த சில நாட்களாக, தமிழ்நாடு முழுவதும் பகலில் கடும் வெப்பம் இருந்தாலும், இரவில் ஆங்காங்கே மழை பெய்து வருகிறது. குறிப்பாக, சென்னை நகரில் நேற்று இரவு முதல் மழை பெய்தது குறிப்பிடத்தக்கது.
இந்த நிலையில், அடுத்த இரண்டு மணி நேரத்தில் சென்னை, திருவள்ளூர், செங்கல்பட்டு, காஞ்சிபுரம் உள்ளிட்ட நான்கு மாவட்டங்களில் இடி மின்னலுடன் கூடிய மழை பெய்யும் என்றும், வேலூர், இராணிப்பேட்டை, விழுப்புரம், கள்ளக்குறிச்சி, கடலூர், திருவண்ணாமலை, மயிலாடுதுறை ஆகிய ஏழு மாவட்டங்களில் மிதமான மழை பெய்யும் என்றும் வானிலை ஆய்வு மையம் தெரிவித்துள்ளது.
