ஸ்டாலினை முதல்வர் வேட்பாளராக ஏற்கிறோம்! – கூட்டணிக்கு கொக்கி போட்ட ராகுல்காந்தி!

தமிழக சட்டமன்ற தேர்தல் நெருங்கி வரும் நிலையில் திமுக – காங்கிரஸ் இடையேயான கூட்டணி குறித்த சர்ச்சைகள் எழுந்த நிலையில் ராகுல்காந்தி பேச்சு பிரச்சினைக்கு முடிவை கொண்டு வந்துள்ளது.

தமிழக சட்டமன்ற தேர்தல் நெருங்கி வரும் நிலையில் அரசியல் கட்சிகள் தீவிரமான தேர்தல் பிரச்சாரத்தில் ஈடுபட்டு வருகின்றன. அதிமுக ஒரு புறம் முதல்வர் வேட்பாளராக எடப்பாடி பழனிசாமியை அறிவித்து, பாஜகவுடன் கூட்டணியையும் அறிவித்துவிட்டது.

இந்நிலையில் திமுக முதல்வர் வேட்பாளராக மு.க.ஸ்டாலினை அறிவித்திருந்தபோதும் கூட்டணி உறுதி படாமல் இருந்து வருகிறது. இந்நிலையில் காங்கிரஸும், திமுகவும் தனித்தனியாக தேர்தல் பிரச்சாரத்தில் ஈடுபட்டு வந்தது மேலும் பரபரப்பை ஏற்படுத்தியது. இந்நிலையில் தற்போது அரவக்குறிச்சியில் பேசி வரும் ராகுல்காந்தி ”திமுக தலைவர் மு.க.ஸ்டாலினை முதல்வர் வேட்பாளராக ஏற்கிறோம். காங்கிரஸ் – திமுக இடையேயான நல்லுறவு தொடர்கிறது” என பேசியுள்ளார்.