தமிழக சட்டமன்ற தேர்தலில் அதிமுக தோல்வியடந்த நிலையில் எதிர்கட்சியாக சட்டமன்றத்தில் நுழைந்தது. இந்நிலையில் முன்னாள் முதல்வர் எடப்பாடி பழனிசாமி அதிமுகவின் சார்பில் எதிர்கட்சி தலைவராக தேர்ந்தெடுக்கப்பட்டார். ஆனால் ஓபிஎஸ்-க்கு பதவி ஏதும் வழங்கப்படாததால் கட்சியில் ஈபிஎஸ் – ஓபிஎஸ் ஆதரவாளர்கள் இடையே உரசல் ஏற்பட்டது.
இந்நிலையில் இன்று அதிமுக தலைமை செயலகத்தில் நடைபெற்ற எம்.எல்.ஏக்கள் கூட்டத்தில் எதிர்க்கட்சி துணைத்தலைவராக ஓபிஎஸ் ஒருமனதாக தேர்வு செய்யப்பட்டார். மேலும் சட்டமன்ற கொறடாவாக எஸ்.பி.வேலுமணியும், பொருளாளராக கடம்பூர் ராஜூ, செயலாளராக கே.பி.அன்பழகன் உள்ளிட்டோரும் தேர்ந்தெடுக்கப்பட்டுள்ளனர்.
