திமுக கூட்டணியில் இடம்பெற்றுள்ள கட்சிகள் தொகுதி பங்கீடு குறித்த ஒப்பந்தங்கள் கையெழுத்தாகி முடிந்துள்ளன. விடுதலைச் சிறுத்தைகள் கம்யூனிஸ்ட் கட்சிகள் உள்பட ஒருசில கட்சிகள் ஒப்பந்தம் கையெழுத்தாகி உள்ள நிலையில் தற்போது மதிமுகவும் ஒப்பந்தத்தில் கையெழுத்திட்டுள்ளது. அந்த கட்சிக்கு 6 தொகுதிகள் ஒதுக்கப்பட்டு அந்த தொகுதிகளில் உதயசூரியன் சின்னத்தில் போட்டியிட உள்ளன.
இந்நிலையில் மதிமுக போட்டியிட உள்ள தொகுதிகள் எவை என்பது குறித்த தகவல் கசிந்துள்ளது. மதிமுக சார்பில் 4 பொதுத் தொகுதிகளிலும் 2 தனித்தொகுதிகளிலும் போட்டியிட உள்ளதாக சொல்லப்படுகிறது. சாத்தூர், கோவை வடக்கு, மதுரை தெற்கு, அரியலூர் ஆகிய 4 பொது தொகுதிகளிலும் மதுராந்தகம் மற்றும் வாசுதேவநல்லூர் ஆகிய தனித்தொகுதிகளிலும் போட்டியிட உள்ளதாக சொல்லப்படுகிறது.
