மதுரையில் மெட்ரோ ரயில் திட்டத்தை செயல்படுத்துவதற்கான சாத்தியங்கள் குறித்த முன் தயாரிப்பு அறிக்கையை பாலாஜி ரயில் ரோடு சிஸ்டம்ஸ் நிறுவனம் சமர்ப்பித்துள்ளது. அதில் முதல்கட்டமாக மதுரையில் தோப்பூர் எய்ம்ஸ் கல்லூரியிலிருந்து ஒத்தக்கடை வேளாண் கல்லூரி வரை 35 கிலோ மீட்டர் தூரத்திற்கு மெட்ரோ ரயில் சேவையை அமைக்கலாம் என தெரிவிக்கப்பட்டுள்ளது.
இந்த 35 கிலோ மீட்டர் தூரத்திற்குள் மதுரையின் முக்கிய பகுதிகளான மதுரை பெரியார் பேருந்து நிலையம், மதுரை உயர்நீதிமன்ற கிளை, மாட்டுத்தாவணி பேருந்து நிலையம் உள்ளிட்ட பல பகுதிகள் வருகின்றன. விரைவில் இதற்கான ஒப்புதல் மற்றும் பணிகள் தொடங்கும் என எதிர்பார்க்கப்படுகிறது.
