தீபாவளி, பொங்கல், கிறிஸ்துமஸ், ரம்ஜான் உள்பட பல பண்டிகைகளுக்கு ஏற்கனவே தமிழக அரசு பொது விடுமுறை விடுத்துள்ள நிலையில் இந்த ஆண்டு முதல் தைப்பூசத்துக்கு பொது விடுமுறை என தமிழக அரசு அறிவித்துள்ளது.
இந்நிலையில் வரும் 28 ஆம் தேதி தைப்பூச திருவிழா கொண்டாடப்பட இருப்பதை அடுத்து அன்றைய தினம் பொது விடுமுறை நாளாக தமிழக அரசு அறிவித்து இந்த ஆண்டு மட்டுமன்றி இனி வரும் ஆண்டுகளிலும் தைப்பூச திருவிழா அன்று பொது விடுமுறை அளிக்கப்படும் என்றும் தைப்பூசத் திருவிழாவை பொது விடுமுறை பட்டியலில் சேர்க்கவும் முதல்வர் பழனிசாமி உத்தரவிட்டுள்ளார்.
இதனிடையே, பாஜக கோரிக்கையை ஏற்று தைப்பூசத் திருவிழாவை பொது விடுமுறை பட்டியலில் சேர்த்த முதல்வருக்கு நன்றி என தமிழக பாஜக தலைவர் எல்.முருகன் தனது டிவிட்டர் பக்கத்தில் பதிவிட்டுள்ளதோடு வேல் படத்தையும் சேர்த்து பதிவிட்டுள்ளார் என்பது குறிப்பிடத்தக்கது.
