இந்த சம்பவத்தில், லாரி ஓட்டுநர் மனோஜ் கைது செய்யப்பட்டார். பேனர் அடித்து கொடுத்த அச்சகத்திற்கும் சீல் வைக்கப்பட்டது. ஆனால் சாலையின் நடுவில் அனுமதியின்றி பேனர் வைத்த அதிமுக முன்னாள் கவுன்சிலர் ஜெயகோபாலை போலீசார் இன்னும் கைது செய்யவில்லை. ஜெயகோபால் தலைமறைவாகியுள்ளதாக தெரிகிறது.
இப்படி பேனர் விவகாரம் தமிழகம் முழுவதும் விஸ்வரூபம் எடுத்துள்ள போதும் எச்.ராஜாவோ வித்தியாசமானவராக இருக்கிறார். ஆம், சமீபத்தில் எச்.ராஜா கன்னியாகுமரி மாவட்டம் மார்த்தாண்டம் அருகே நடைபெற்ற பொதுக்கூட்டம் ஒன்றில் பங்கேற்றார்.
எச்.ராஜா வருகிறார் என்றதும், பாஜகவினர் வழிநெடுகிலும் ஏராளமான பேனர்கள் வைத்திருந்தனர். இந்த பேனர்களை கண்டும் எச்.ராஜாவும், போலீசாரும் காணாதது போலவே நிகழ்ச்சியை முடிந்து நகர்ந்தது மக்களிடையே சலசலப்பை ஏற்படுத்தியுள்ளது.
