தமிழக சட்டப்பேரவையில், கடந்த பிப்ரவரி மாதம் 8ந் தேதி பட்ஜெட்டை நிதியமைச்சர் ஓ.பன்னீர்செல்வம் தாக்கல் செய்தார். இந்த பட்ஜெட் மீது நான்கு நாட்கள் விவாதம் நடைபெற்றது. அதனையடுத்து பல்வேறு மானியக்கோரிக்கை மீது விவாதம் நடத்த திட்டமிடப்பட்டிருந்தது. ஆனால் மக்களவைத் தேர்தல் காரணமாக, மானியக் கோரிக்கை மீதான விவாதம் நடைபெறாமல் பேரவை ஒத்தி வைக்கப்பட்டது.
இந்த நிலையில், சட்டப்பேரவை இன்று மீண்டும் கூடுகிறது. இந்த கூட்டத்தொடரில் பல்வேறு அரசுத் துறைகளின் மானியக் கோரிக்கைகள் மீது விவாதம் நடைபெறும். இந்த விவாதத்தில் அந்தந்த துறை அமைச்சர்கள் உறுப்பினர்கள் கேட்கும் கேளிகளுக்கு பதிலளிப்பார்கள். மேலும் சட்டப்பேரவையில் இன்று முதல் நிகழ்வாக, முன்னாள் எம்.எல்.ஏ.க்களின் மறைவு தொடர்பாக இரங்கல் குறிப்பு வாசிக்கப்பட்டு பின்னர் பேரவை ஒத்திவைக்கப்படும்.
