குமரி மாவட்டத்தை கடந்த 30-ந்தேதி ஓகி புயல் புரட்டி போட்டது. மரங்கள், மின்கம்பங்கள் முறிந்தன. வீடுகளை மழை வெள்ளம் சூழ்ந்தது. குமரி மாவட்டம் இருளில் மூழ்கியதால் மக்கள் தவித்தனர். கடந்த ஒரு வாரமாக உணவு, குடிநீர், மின்சாரம் இல்லாமல் மக்கள் தத்தளிக்கிறார்கள்.
8 கிராமங்களை சேர்ந்த மக்கள் போராட்டத்தில் ஈடுபட்டுள்ளனர். 7 நாட்கள் ஆகியும் கடலுக்குச் சென்றவர்கள் வீடு திரும்பவில்லை என்றும் அவர்களை மீட்டுத் தரக் கோரியும் மக்கள் போராட்டம் நடத்தி வருகின்றனர். அரசின் சார்பில் தங்களை வந்து யாரும் பார்க்கவில்லை என்று கூறி ரயில் மறிய போராட்டத்திலும் ஈடுபட்டு வருகின்றனர். அரசியல் தலைவர்கள் பலரும், மீனவர்களை மிட்பத்தில் தமிழக அரசு கவனம் செலுத்தவில்லை என குற்றம்சாட்டி வருகின்றனர்.
