ஆண்டுதோறும் பொங்கலுக்கு தமிழக அரசின் சார்பில் பொங்கல் பணமும், கரும்பு, வெல்லம் உள்ளிட்டவை அடங்கிய பொங்கல் பையும் வழங்கப்படுகின்றன. இந்நிலையில் ஜனவரியில் வர உள்ள பொங்கலுக்கு தொகையை ரூ.2500 ஆக உயர்த்தி வழங்குவதாக தமிழக அரசு அறிவித்துள்ளது. இதற்கான பொங்கல் டோக்கன்கள் விநியோகிக்கும் பணிகள் தொடங்கியுள்ளன.
இந்நிலையில் பொங்கல் பணத்திற்கான டோக்கனை அந்தந்த நியாயவிலைக்கடை ஊழியர்களே மக்களிடம் வழங்க வேண்டும். ஆனால் பல பகுதிகளில் அதிமுகவினர் இந்த டோக்கனை வழங்கி வருகின்றனர் என குற்றம்சாட்டி, பொங்கல் டோக்கனை அதிமுகவினர் வழங்க தடை விதிக்க வேண்டும் என திமுக நீதிமன்றத்தில் வழக்கு தொடர்ந்துள்ளது.
