தமிழக முதல்வராக இருந்த ஜெயலலிதா கடந்த 5-ஆம் தேதி மரணமடைந்தார். இவர் செப்டம்பர் மாதம் 22-ஆம் தேதி சென்னை அப்பல்லோ மருத்துவமனையில் அனுமதிக்கப்பட்டார். இவர் அனுமதிக்கப்பட்டபோது காய்ச்சல் மற்றும் நீர்ச்சத்து குறைபாடு காரணமாக அனுமதிக்கப்பட்டுள்ளார் என மருத்துவமனை கூறியது.
ஆனால் அவருக்கு நுரையீரல் தொற்று ஏற்பட்டுள்ளதாகவும் அதன் காரணமாக சுவாச பிரச்சனை ஏற்பட்டதாகவும் கூறப்பட்டது. பின்னர் அவருக்கு செயற்கை சூவசம் அளிக்கப்பட்டு சிகிச்சைகள் தொடர்ந்து நடந்தது.
இந்நிலையில் கடந்த சில வாரங்களாக உடல் நலக்குறைவால் அவதிப்பட்டு வந்த திமுக தலைவர் கருணாநிதி மீண்டும் காவேரி மருத்துவமனையில் அனுமதிக்கப்பட்டுள்ளார். இதனையடுத்து காவேரி மருத்துவமனை வெளியிட்ட அறிக்கையில் திமுக தலைவர் கருணாநிதிக்கு நுரையீரல் மற்றும் தொண்டை தொற்று ஏற்பட்டுள்ளதாகவும் அதன் காரணமாக அவருக்கு சுவாச பிரச்சனை ஏற்பட்டுள்ளதாக கூறியுள்ளது.