வரும் 11 மற்றும் 12 ஆம் தேதி பிரதமர் மோடியும் சீன அதிபரும் மாமல்லபுரத்தில் சந்திக்கவுள்ளதை அடுத்து, பலத்த பாதுகாப்பு ஏற்பாடுகள் செய்யப்பட்டுள்ளது. இந்த சந்திப்பு வரலாற்றின் முக்கிய சந்திப்பாக பார்க்கப்படுகிறது.
இந்நிலையில் காங்கிரஸ் செயல் தலைவர் விஷ்ணுபிரசாத் இது குறித்து பேசியுள்ளார். அவர் கூறியதாவது, மாமல்லபுரத்தில் பிரதமர் நரேந்திர மோடி மற்றும் சீன அதிபர் ஜின்பிங் ஆகியோர் சந்திக்க இருப்பதை உலக நாடுகள் மிகவும் முக்கிய நிகழ்வாக பார்க்கின்றன.
காஞ்சிபுரம் பல்லவ வம்சத்தில் பிறந்த போதி தர்மர் தனது தத்துவங்களை சீனாவுக்கு போதித்தார். எனவே, சர்தார் வல்லபாய் படேலுக்கு குஜராத்தில் சிலை அமைத்தது போல போதி தர்மருக்கு காஞ்சிபுரத்தில் பிரமாண்ட சிலை அமைக்க வேண்டும்.
இந்த கோரிக்கைகள் அனைத்தையும் வலியுறுத்தி பிரதமர் நரேந்திர மோடியையும், முதல்வர் எடப்பாடி பழனிசாமியையும் நேரில் சந்தித்து வலியுறுத்துவேன். மேலும் கடிதம் மூலமும் வலியுறுத்த உள்ளேன். நாடாளுமன்றத்திலும் குரல் கொடுப்பேன் என தெரிவித்துள்ளார்.
