இந்த பதிவுக்கு ஆதரவு மற்றும் எதிர்ப்பு தெரிவித்த கருத்துக்கள் பதிவாகி வந்தன. முன்னாள் பிரதமர் விபிசிங் தமிழகம் வந்தபோது அவர் இந்தியில் பேசியதை தமிழில் மொழிபெயர்த்த கனிமொழிக்கு ஹிந்தி தெரியாதா என்று நெட்டிசன்கள் கேள்வி எழுப்பினார். அதே நேரத்தில் கனிமொழிக்கு ஆதரவாகவும் பல்வேறு கமெண்ட்டுக்கள் பதிவாகி உள்ளன என்பது குறிப்பிடத்தக்கது
இந்த நிலையில் கனிமொழியின் இந்த குற்றச்சாட்டுக்கு சி.ஐ.எஸ்.எப் பதில் அளித்து உள்ளது. கனிமொழி அவர்களுக்கு ஏற்பட்ட துரதிஷ்டமான சம்பவத்துக்கு நாங்கள் உண்மையில் வருந்துகிறோம். ஆனால் இது குறித்து விசாரணை செய்ய சில விபரங்கள் தேவைப்படுகிறது. கனிமொழி அவர்கள் எங்கிருந்து எங்கு பயணம் செய்தார்? எந்த விமான நிலையத்தில் இந்த சம்பவம் நடந்தது? எந்த தேதி மற்றும் நேரம்? ஆகியவற்றை குறிப்பிட்டால் இதுகுறித்து நடவடிக்கை எடுக்க உதவியாக இருக்கும் என்று தனது ட்விட்டர் பக்கத்தில் தெரிவித்துள்ளது. கனிமொழி சி.ஐ.எஸ்.எப் கேட்ட கேள்விகளுக்கு பதில் அளிப்பாரா என்பதை பொறுத்திருந்து பார்ப்போம்
