இந்நிலையில், பிரதமர் மோடி இன்று தமிழக முதல்வர் மு.க. ஸ்டாலினிடம் தொலைபேசியில் தொடர்பு கொண்டு, வெள்ள பாதிப்புகள் குறித்து அறிந்துகொண்டதாகவும், நிவாரண உதவி வழங்க மத்திய அரசை முதல்வர் வலியுறுத்தியதாகவும் கூறப்படுகிறது.
சமீபத்தில் கிடைத்த தகவலின்படி, தமிழகத்தின் வெள்ள பாதிப்புகளை ஆய்வு செய்ய குழு அனுப்புவது குறித்து மத்திய அரசு ஆலோசித்து வருகிறது. வேளாண் துறை, உள்துறை, பாதுகாப்பு துறை ஆகியவை அடங்கிய குழுக்களை அனுப்ப பரிசீலனை நடந்து வருகிறது. அனேகமாக நாளை அல்லது நாளை மறுநாள் இந்த குழு தமிழகத்திற்கு வர வாய்ப்பு உள்ளது என்று தகவல்கள் தெரிவிக்கின்றன.
