ஏடிஎம் மையத்தில் பணம் எடுக்க வரிசையில் நின்றிருந்தவர்கள் மீது கார் மோதியது. இதில் இரண்டு குழந்தைகள் உட்பட பத்துக்கும் மேற்பட்டோர் காயமடைந்தனர்.
பிரதமர் நரேந்திர மோடியின் அறிவிப்பால் பொதுமக்கள் தங்களிடம் உள்ள பணத்தை மாற்றுவதற்கும், சில்லரைகளை பெறுவதற்கும் வங்கிகளில் குவிந்துள்ளனர். இந்நிலையில், கோவை சின்னியம்பாளையம் அருகே இந்தியன் வங்கிக் கிளைக்கு சொந்தமான ஏ.டி.எம். மையத்தில் பணம் எடுக்க ஏராளமானோர் காத்திருந்தனர்.
அப்போது, கோவையில் இருந்து திருப்பூர் நோக்கிச் சென்ற கார் ஓன்று கட்டுப்பாட்டை இழந்து அங்கிருந்த இருசக்கர வாகனம், கார் மற்றும் வரிசையில் நின்று கொண்டு இருந்தவர்கள் மீது மோதியது.
இதில், ஏடிஎம் மையத்தில் பணம் எடுக்க வரிசையில் நின்று கொண்டிருந்தவர்கள் பத்துக்கும் மேற்பட்டோர் காயம் அடைந்தனர். காயமடைந்தவர்கள் அருகில் உள்ள தனியார் மருத்துவ மனையில் சிகிச்சைக்கு அழைத்துச் செல்லப்பட்டனர்.
இது குறித்து பீளமேடு காவல்துறையினர் வழக்குப்பதிவு செய்து விசாரணை நடத்தி வருகின்றனர்.