சென்னை அண்ணா நகரில் சிறுமி ஒருவருக்கு பாலியல் வன்கொடுமை செய்யப்பட்ட சம்பவம் பெரும் அதிர்ச்சியை ஏற்படுத்திய நிலையில், இந்த வழக்கை சிறப்பு புலனாய்வு குழு விசாரணை நடத்த வேண்டும் என உச்ச நீதிமன்றம் உத்தரவிட்டது. அதன்படி, இந்த விசாரணை கடந்த சில மாதங்களாக நடைபெற்று வருகிறது.
இதில் குற்றம் சாட்டப்பட்ட சதிஷ் என்பவருக்கு ஆதரவாக செயல்பட்டதாக, அதிமுக 103வது வட்ட செயலாளர் சுதாகர் என்பவரை சிறப்பு புலனாய்வு போலீசார் கைது செய்துள்ளனர். மேலும், இந்த வழக்கை முறையாக விசாரணை செய்யாத மகளிர் போலீஸ் இன்ஸ்பெக்டர் ராஜி என்பவரையும் சிறப்பு புலனாய்வு போலீசார் கைது செய்துள்ளனர் என்பது குறிப்பிடத்தக்கது.
