கொல்கத்தா அரசு மருத்துவமனையில் மருத்துவ மாணவி ஒருவர் பாலியல் பலாத்காரம் செய்யப்பட்டு கொலை செய்யப்பட்ட சம்பவம் குறித்து முதலமைச்சர் மம்தவை மருத்துவர்கள் உள்பட பலர் கடுமையாக விமர்சனம் செய்து வருகின்றனர். குறிப்பாக இறந்த மாணவியின் பெற்றோர் முதல்வர் மம்தா பானர்ஜி மீது தங்களுக்கு நம்பிக்கை இல்லை என்று கூறி இருப்பது பரபரப்பை ஏற்படுத்தியது.
இந்த நிலையில் மருத்துவர் மரண சம்பவத்தில் முதல்வர் மம்தாவை நோக்கி கைநீட்டி பேசுபவர்கள், சமூக வலைதளங்களில் அவரை விமர்சித்து எழுதுபவர்கள் அடையாளம் காணப்பட்டு அவர்களின் விரல்கள் உடைக்கப்படும் என்றும் இல்லை என்றால் இது போன்ற நபர்கள் மேற்குவங்கத்தை வங்கதேசமாக மாற்றி விடுவார்கள் என்றும் திரிணாமுல் காங்கிரஸ் கட்சியின் அமைச்சர் உதயன் குஹா என்பவர் பேசிய வீடியோ இணையத்தில் வைரல் ஆகி வருகிறது.
