வீட்டுப்பாடத்தை முடிக்காததால், நான்காம் வகுப்பு படிக்கும் மாணவனை சங்கிலியால் கட்டிப்போட்ட ஆசிரியர்களை காவல்துறையினர் கைது செய்யதுள்ளனர்.
ஹரியானா மாநிலம், யமுனா நகர் மாவட்டத்தில் உள்ள நுஸ்ரத் அலி இஸ்லாமிய மதராசா பள்ளியில் நான்காம் வகுப்பு மாணவன் ஒருவன், வீட்டுப்பாடத்தை முடிக்காததால், தன்னை ஆசிரியர் சங்கிலியில் கட்டி வைத்து துன்புறுத்தியதாக தன் பெற்றோரிடம் கூறியுள்ளான். அதிர்ச்சி அடைந்த தந்தை, அடுத்த நாள், ஆசிரியருக்கு தெரியாமல் அந்த காட்சியை படமெடுத்து காவல்துறையில் புகார் கொடுத்தார்.
இதை அடுத்து, மாணவர்களை சங்கிலியில் கட்டி வைத்து சித்திரவதை செய்த முபாரக் கான் மற்றும் ஷபிர் அஹமத் என்ற இரண்டு ஆசிரியர்களை காவல்துறையினர் கைது செய்தனர்.
பள்ளியில் இருந்து மாணவர்கள் ஓடிவிடுவதால் தான் மாணவர்களை சங்கிலியால் கட்டி வைத்ததாக ஆசிரியர்கள் தரப்பில் கூறப்படுகிறது.