மும்பையின் புனே பகுதியில் உள்ள பெண் ஒருவருக்கு சமீபத்தில் குழந்தை பிறந்துள்ளது. குழந்தை பிறந்து ஒரு மாதமே ஆன நிலையில் சமீபத்தில் குழந்தை தண்ணீரில் விழுந்து இறந்துள்ளதாக தெரிய வந்துள்ளது. இதுகுறித்து போலீஸார் சம்பந்தப்பட்ட பெண்ணிடம் விசாரணை நடத்தியபோது முன்னுக்கு பின் முரணாக பதிலளித்த அவர் பின்னர் குழந்தையை தான் கொன்றதாக ஒப்புக் கொண்டுள்ளார்.
அந்த பெண்ணுக்கு ஏற்கனவே இரண்டு மகள்கள் உள்ள நிலையில் மூன்றாவது குழந்தை ஆண் குழந்தையாக இருக்க வேண்டும் என விரும்பியதாகவும், ஆனால் மூன்றாவதும் பெண் குழந்தையாக பிறந்ததால் வேறு வழியின்றி நீரில் மூழ்கடித்து கொன்றதாகவும் அவர் ஒப்புக்கொண்டுள்ளதாக காவல்துறையினர் தெரிவித்துள்ளனர். இந்த சம்பவம் புனேவில் அதிர்ச்சியை ஏற்படுத்தியுள்ள நிலையில் அந்த பெண்ணை போலீஸார் கைது செய்து வழக்குப்பதிவு செய்துள்ளனர்.
