பாஜக பிரமுகரும் தமிழக பாஜக பொறுப்பாளருமான முரளிதரராவ் நேற்று தமிழகத்திற்கு வருகை தந்திருந்தார். கிருஷ்ணகிரியில் பல்வேறு நிகழ்ச்சிகளில் அவர் கலந்து கொண்ட பின்னர் பாஜகவில் இணைந்தவர்களுக்கு அவர் வாழ்த்து தெரிவித்தார். நேற்று முரளிதரராவ் மு பாஜகவில் இணைந்தவர்களில் சந்தன கடத்தல் வீரப்பனின் மகள் வித்யாராணியும் ஒருவர் என்பது குறிப்பிடத்தக்கது
மேலும் முக ஸ்டாலின் அதிர்ஷ்டம் இல்லாத ஒருவர் என்றும் அவர் பிரதமர் மோடியை பற்றியே பேசிக் கொண்டிருந்தால் எவ்வாறு முதல்வராக முடியும் என்றும் தனது கட்சியின் பெருமை குறித்தும் தாங்கள் கட்சி ஆட்சியில் இருந்தபோது செய்த சாதனையும் குறித்து பேசாமல் மூன்று வேளையும் அவர் பிரதமரை விமர்சனம் செய்வதையே முழு நேரத் தொழிலாக கொண்டிருக்கின்றார் என்றும், இவ்வாறு இருந்தால் அவர் எப்படி முதல்வராக முடியும் என்றும் கூறினார்
மேலும் தமிழகத்தில் பாஜக இருக்கும்வரை முக ஸ்டாலினை முதல்வராக்க விடமாட்டோம் என்று கூறிய அவர் தமிழக முதல்வர் எடப்பாடி பழனிச்சாமி, மோடியின் கைப்பாவை என ஸ்டாலின் விமர்சனம் செய்து கொண்டிருப்பதாகவும் கைப்பாவையாக முதல்வரை பிரதமர் வைத்துக் கொள்வதில் ஒன்றும் தவறு இல்லை என்றும் அவர் தெரிவித்தார்
