இந்தியாவில் முன்னேறிய மாநிலங்களில் கேரளம் முதலிடத்தில் உள்ளது. 100 சதவீத கல்வியறிவு, உள்கட்டமைப்பு வசதிகள், சுகாதார வசதிகள் என அனைத்திலும் முன்னிலையில் உள்ளது. இதனை அடுத்து இணையச் சேவையைக் கொண்டு சேர்ப்பதையும் ஏழை வீடுகளுக்கு இலவச இணையச் சேவை அளிப்பதையும் அடுத்த இலக்காகக் கொண்டு செயல்பட்டு வருகிறது.
இணைய வசதியைப் பெறுவது குடிமக்களின் உரிமை என்றும், 20 லட்சம் ஏழை மக்களுக்கு இலவச இணையச் சேவை அளிப்போம் என்றும் கேரள இடது ஜனநாயக முன்னணி கட்சி தேர்தல் அறிக்கையில் கூறியிருந்தது. அதற்கான சட்ட ஒப்புதலை இப்போது கேரள அமைச்சரவை வழங்கியுள்ளது.
