குஜராத் மாநில அரசு போக்குவரத்துக் கழக டிரைவராக பணிபுரிந்து வருபவர் பர்மால் அஹிர். நாற்பது வயதான இவர் கடந்த ஞாயிற்றுக்கிழமை காலை இரவு எட்டரை மணி அளவில் பஸ்சை எடுத்து உள்ளார். அந்த பஸ்ஸில் உள்ள அனைவரையும் ராதன்பூர் நகரில் அவர் இறக்கி விட வேண்டும் என்ற நிலையில் திடீரென பேருந்து ஓட்டிக் கொண்டிருந்தபோதே அவருக்கு நெஞ்சுவலி ஏற்பட்டது.
இதனை அடுத்து அவர் வேறு எங்கு வண்டியை நிறுத்தாமல் நெஞ்சுவலி பொறுத்துக் கொண்டே உரிய இடத்திற்கு வந்தவுடன் பாதுகாப்பாக பயணிகளை இறக்கினார். அதன் பிறகு அவர் அவர் சில நிமிடங்களில் சீட்டிலேயே சரிந்து விழுந்து விட்டார். இதனை கவனித்த கண்டக்டர் மற்றும் பயணிகள் அவரை உடனடியாக அரசு மருத்துவமனையில் சேர்த்த நிலையில் அவர் ஏற்கனவே உயிரிழந்து விட்டார் என்று டாக்டர்கள் கூறினர்.
