பாஜக மீதோ, பிரதமர் மோடி மீதோ மக்கள் மத்தியில் பெரிய அளவில் கோபம் இல்லை என்றும் ஆங்காங்கே சில அதிருப்திகள் தென்பட்டாலும் ஆட்சியை மாற்றும் அளவில் தலைகீழாக புரட்டி போடும் வகையில் எந்தவிதமான கோபமும் மக்கள் மத்தியில் இல்லை என்று அரசியல் ஆலோசகர் பிரசாந்த் கிஷோர் கூறி இருப்பது பரபரப்பை ஏற்படுத்தி உள்ளது.
இந்தியா கூட்டணியில் பல முரண்பாடுகள் இருக்கிறது என்றும் ராகுல் காந்தியை அந்த கூட்டணியில் உள்ளவர்களே பிரதமர் வேட்பாளராக ஏற்றுக்கொள்ளவில்லை என்றும் அதனால் இந்தியா கூட்டணி அதிகபட்சமாக 100 தொகுதிகளுக்கு மேல் வெற்றி பெற வாய்ப்பு இல்லை என்றும் சில அரசியல் விமர்சகர்களும் கருத்து தெரிவித்துள்ளனர். கிட்டத்தட்ட அதையேதான் பிரசாந்த் கிஷோரும் கணித்து உள்ளார் என்பது குறிப்பிடத்தக்கது.
