மன்மோகன் சிங் சொன்னதைதான் செய்தோம்! – வீடியோ வெளியிட்ட பாஜக!

மத்திய அரசால் கொண்டு வரப்பட்டுள்ள குடியுரிமை சட்டத்தை காங்கிரஸ் உள்ளிட்ட எதிர்கட்சிகள் எதிர்த்து போராடி வரும் நிலையில் வீடியோ ஒன்றை வெளியிட்டுள்ளனர் பாஜகவினர்.

இந்திய குடியுரிமை சட்டம் மத சார்புடன் உள்ளதாக தெரிவித்து மத்தியில் ஆளும் பாஜக அரசை கண்டித்து காங்கிரஸ் உள்ளிட்ட எதிர்கட்சிகள் போராட்டத்தில் ஈடுபட்டு வருகின்றன. இந்நிலையில் பாஜக தனது அதிகாரப்பூர்வ ட்விட்டர் கணக்கில் மன்மோகன் சிங் பேசியுள்ள வீடியோ ஒன்றை வெளியிட்டுள்ளது.

2003ம் ஆண்டு மக்களவையில் மன்மோகன் சிங் பேசும் அந்த வீடியோவில் வங்காள தேசம் உள்ளிட்ட இந்தியாவிலிருந்து பிரிந்து சென்ற தேசங்களிலிருந்து பலர் அகதிகளாக மீண்டும் இந்தியாவுக்கு வருவதாகவும், அவர்களுக்கு இந்தியாவில் அடைக்கலம் அளித்து குடியுரிமை வழங்க வேண்டும் எனவும் பேசியுள்ளார்.

இந்த வீடியோவை பகிர்ந்து மன்மோகன் சிங் சொன்னதைதான் பாஜக செய்துள்ளது என குறிப்பிடப்பட்டுள்ளது.

In 2003, speaking in Rajya Sabha, Dr Manmohan Singh, then Leader of Opposition, asked for a liberal approach to granting citizenship to minorities, who are facing persecution, in neighbouring countries such as Bangladesh and Pakistan. Citizenship Amendment Act does just that... pic.twitter.com/7BOJJMdkKa

— BJP (@BJP4India) December 19, 2019