ராம ஜென்மபூமி இயக்கத்தை முன்னின்று நடத்திய பாரதிய ஜனதா கட்சியின் மூத்த தலைவர் எல்.கே.அத்வானி ஜனவரி 22-ம் தேதி அயோத்தியில் ராமர் கோயில் திறப்பு விழாவில் பங்கேற்கிறார். உத்தரகாண்ட் முதல்வர் புஷ்கர் சிங் தாமியின் அறிவுறுத்தலின் பேரில், ஹரித்வார் மற்றும் ரிஷிகேஷில் இருந்து அயோத்திக்கு நேரடி பேருந்து சேவை தொடங்கப்பட்டுள்ளது.
அயோத்தி ராமர் கோவில் கும்பாபிஷேக விவகாரத்தில் மத்திய பாஜக அரசுக்கும் எதிர்கட்சிகளுக்கும் இடையே மோதல் போக்கு நிலவி வருகிறது. ஆர்எஸ்எஸ், பாஜக நிகழ்ச்சி என்பதால், இதில் பங்கேற்க மாட்டோம் என காங்கிரஸ், சமாஜ்வாதி உள்ளிட்ட எதிர்க்கட்சிகள் திட்டவட்டமாக தெரிவித்திருப்பது குறிப்பிடத்தக்கது.
