இந்தியாவிலேயே முழுவதுமாக தயாரிக்கப்பட்ட வந்தே பாரத் ரயில்கள் இந்தியாவின் பல வழித்தடங்களிலும் செயல்பட்டு வருகின்றன. ஏ சி வசதி கொண்ட இந்த வந்தே பாரத் ரயில்கள் மணிக்கு 160 கிலோமீட்டர் வேகத்தில் பயணிக்கின்றன. பல வழித்தடங்களில் வந்தே பாரத் ரயில்கள் செயல்பட்டு வந்தாலும் அதில் படுக்கை வசதி இல்லை அமர்ந்திருக்கும் வசதி மட்டுமே உள்ளது. முடிந்தால் இருக்கையை பின்னால் சற்று சாய்த்து ஓய்வெடுக்கலாம். ஆனால் நீண்ட தூர பயணங்களுக்கு இது உகந்ததாக இல்லை என பயணிகளிடையே அதிருப்தி உள்ளது.
