மக்களவைத் தேர்தல் இன்னும் சில மாதங்களில் நடைபெற உள்ள நிலையில் அரசியல் கட்சிகள் கூட்டணி, தொகுதி பங்கீடு தொடர்பான பேச்சுவார்த்தை, நிர்வாகிகளுடன் ஆலோசனை, வேட்பாளர் தேர்வு உள்ளிட்ட பணிகளில் தீவிரமாக ஈடுபட்டு வருகின்றன.
கடந்த முறை பாஜக, அதிமுக தலைமையிலான தேசிய ஜனநாயக கூட்டணி தேர்தலை சந்தித்து நிலையில், தற்போது இரு கட்சிகளிடையே ஏற்பட்ட கருத்து வேறுபாட்டால் பாஜகவுடன் கூட்டணி இல்லை என்று அதிமுக திட்டவட்டமாக தெரிவித்து வருகிறது. இதனால் அதிமுக மற்றும் பாஜக கூட்டணியில், எந்த கட்சிகள் இணையும் என்ற எதிர்பார்ப்பு நாளுக்கு நாள் எழுந்து வருகிறது.
இந்நிலையில் சென்னையில் செய்தியாளர்களிடம் பேசிய தமிழ் மாநில காங்கிரஸ் தலைவர் ஜிகே வாசன், பிப்ரவரி 12ஆம் தேதி, தமாகா செயற்குழு கூட்டம் சென்னை எழும்பூரில் நடைபெற உள்ளதாக தெரிவித்தார்.
