தேர்தல் நெருங்குவதால் கட்சிகள் தீவிர பிரச்சாரத்தில் ஈடுபட்டு வருகின்றன. அந்தந்த கட்சியின் தலைவர்கள் தங்களின் வேட்பாளரை ஆதரித்து சூறாவளி பிரச்சாரம் மேற்கொண்டு வருகின்றனர். இதுஒரு புறமிருக்க திமுக, அதிமுக, மநீம கட்சிகள் சமூக வலைதளங்களிலும், டிவிக்களிலும் ஒருவரை ஒருவர் தாக்கி பேசி தங்கள் கட்சிகளின் விளம்பரத்தை மேற்கொண்டு வருகின்றனர்.
அதிலும் குறிப்பாக அதிமுக வேளியிட்ட விளம்பரத்தில் இலங்கை படுகொலை, திமுக நில அபகரிப்பு சம்பவங்கள் குறித்தான வீடியோவை வெளியிட்டது. இது முற்றிலும் ஆதாரமற்றது. இது உச்சநீதிமன்றம் விதித்த தேர்தல் நடைமுறைகளுக்கு எதிரானது என திமுக சட்டப்பிரிவு தலைமை தேர்தல் அதிகாரிக்கு கடிதம் எழுதியது.
