வண்ணங்களின் திருவிழா என்று வர்ணிக்கப்படும் ஹோலி பண்டிகை, வடமாநிலங்களில் களைகட்ட தொடங்கியுள்ளது. ஹோலி பண்டிகை இந்துக்களால் கொண்டாடப்படும் ஒரு வண்ணமயமான பண்டிகை ஆகும். இந்த பண்டிகை பௌர்ணமியன்று (மார்ச் மாதம்) கொண்டாடப்படும்.
தண்ணீரில் வண்ணப்பொடிகளை கரைத்து, ஒருவர் மீது ஒருவர் தெளித்து மகிழ்ச்சியடைந்தனர். கோயில்களில் கிருஷ்ணர் மற்றும் ராதை போன்று வேடமணிந்து, நடனம் மற்றும் கலை நிகழ்ச்சிகள் நடத்தப்பட்டன.
ஹோலியின் முக்கிய நாளில் மக்கள், ஒருவர் மீதொருவர் வண்ணப் பொடிகளையோ அல்லது வண்ணம் கலந்த நீரையோ வீசிக்கொண்டு கொண்டாடுகின்றனர். அந்த நாளுக்கு முன்னதாக பெரிய நெருப்புகளை மூட்டுவார்கள். இது ஹோலிகா தகனம் (ஹோலிகாவை எரித்தல்) அல்லது சோட்டி ஹோலி (சிறிய ஹோலி) எனவும் அழைக்கப்படும்.
