ஆனால், 5 போட்டிகள் கொண்ட டெஸ்ட் தொடரில் 3-1 என்ற கணக்கில் இங்கிலாந்திடம் தொடரை இந்திய அணி இழந்துள்ளது. இதனால் பலர் தங்களது விமர்சனங்களை முன்வைத்து வருகின்றனர். அந்த வகையில் கங்குலி பின்வருமாறு பேசியுள்ளார்...
இந்திய பேட்ஸ்மேன்கள் மிகவும் திறமைக்குறைவாக இங்கிலாந்து டெஸ்ட் தொடரில் செயல்பட்டு இருக்கிறார்கள். இதற்கு அணியின் தலைமைப் பயிற்சியாளர் ரவி சாஸ்திரியும், பேட்டிங் பயிற்சியாளர் சஞ்சய் பங்கரும் பொறுப்பேற்க வேண்டும்.
இந்திய அணியின் பேட்டிங் குறித்து சில முக்கியமான கேள்விகளுக்கு இன்னும் பதில் அளிக்காவிட்டால், வெளிநாடுகளில் சென்று தொடரை வெல்ல முடியாது. இந்த டெஸ்ட் தொடரின் முடிவுக்கு பயிற்சியாளர் ரவிசாஸ்திரி பொறுப்பு ஏற்க வேண்டும்.
இந்த மாதிரியான பேட்டிங் வரிசையை வைத்துக்கொண்டு இந்திய அணி நீண்டநாட்கள் சர்வதேச அளவில் பயணிக்க முடியாது. தற்போது அணியில் இருக்கும் வீரர்களின் திறமை, பேட்டிங் திறன் தரம் தாழ்ந்துவிட்டது என்றே நம்புகிறேன் என தெரிவித்துள்ளார்.
