பாகிஸ்தான் கிரிக்கெட் அணி கடந்த சில ஆண்டுகளாக பின்னடைவை சந்தித்து வருகிறது. அந்த அணியில் பாபர் அசாம், ஷாகீன் அப்ரிடி போன்ற திறமையான வீரர்கள் இருந்தும் அந்த அணியால் சமீபத்தில் எந்தவொரு முக்கியமான தொடரையோ, அல்லது கோப்பையையோ கைப்பற்ற முடியவில்லை.
இந்நிலையில் அந்த அணி இங்கிலாந்து அணிக்கு எதிரான தொடரில் முதல் இன்னிங்ஸில் 556 ரன்கள் சேர்த்தும் இன்னிங்ஸ் தோல்வி அடைந்துள்ளது. இதையடுத்து அந்த அணியின் தேர்வுக்குழு மாற்றப்பட்டுள்ளது. இதில் ஒருவராக முன்னாள் நடுவரான அலிம் தாரும் இணைக்கப்பட்டுள்ளார். பாகிஸ்தான் நாட்டைச் சேர்ந்த இவர் 132 டெஸ்ட் போட்டிகள் மற்றும் 239 ஒருநாள் போட்டிகள் மற்றும் 69 டி 20 போட்டிகளில் நடுவராகப் பணியாற்றி ஓய்வு பெற்றவர்.
