மற்றொரு தகவலாக கோலி, தனது இரண்டாவது குழந்தைக்கு தந்தையாக உள்ளதால் அவர் குடும்பத்துடன் நேரத்தை செலவிட்டு வருவதாக அவரின் ஆர் சி பி சக வீரரான டிவில்லியர்ஸ் தெரிவித்திருந்தார். இதை உண்மை என நம்பி ரசிகர்கள் பலரும் அனுஷ்கா- கோலி தம்பதியினருக்கு வாழ்த்து தெரிவித்து இருந்தனர்.
இந்நிலையில் இது சம்மந்தமாக பேசியுள்ள டிவில்லியர்ஸ் கோலி விஷயத்தில் நான் தவறான தகவலை சொல்லிவிட்டேன் எனக் கூறியுள்ளார். இது சம்மந்தமாக அவரது யுடியூப் சேனலில் பேசும்போது “கோலியின் விலகலுக்கான காரணம் யாருக்கும் தெரியாது. அவரின் உடல்நலனும் மனநலமும் சிறப்பாக இருக்கவேண்டும் என நான் விரும்புகிறேன். அவர் விரைவில் கம்பேக் கொடுப்பார் என நம்புகிறேன்” எனக் கூறியுள்ளார்.
