கன்னட நடிகர் யஷ் நடித்து பிரசாத் நீல் இயக்கி 2019ல் வெளியான படம் கேஜிஎஃப் சாப்ட்டர் 1. கன்னடத்தில் உருவான இந்த படம் தமிழ், தெலுங்கு, இந்தி உள்ளிட்ட பிராந்திய மொழிகளிலும் டப்பிங் செய்யப்பட்டு வெளியானது. இந்தியா முழுவதும் பட்டித்தொட்டி எங்கும் இந்த படம் ஹிட் அடித்த நிலையில் இதன் இரண்டாம் பாகம் எப்போது வெளியாகும் என அனைத்து மொழி ரசிகர்களும் தீவிரமாக காத்துள்ளனர்.
முன்னதாக கேஜிஎஃப் சாப்ட்டர் 2 படத்தின் போஸ்டர்கள் வெளியாகியிருந்த நிலையில் தற்போது டீசர் வெளியீட்டு தேதியை அறிவித்துள்ளனர். அதன்படி எதிர்வரும் ஜனவரி 8ம் தேதி காலை 10.18 மணிக்கு கேஜிஎஃப் சாப்டர் 2 டீசர் வெளியாக உள்ளது. எப்போது டீசர் வெளியாகும் என வெறித்தனமான வெயிட்டிங்கில் இருந்த ரசிகர்களுக்கு இது இன்ப அதிர்ச்சியாக அமைந்துள்ளது.
