தமிழகத்தை சேர்ந்த ஸ்ரீராம் ராகவன் இந்தி திரைப்படங்களை இயக்கி பிரபலமானவர். அவர் இயக்கிய பட்லாபூர் மற்றும் அந்தாதூன் ஆகிய படங்கள் மிகப்பெரிய வெற்றியைப் பெற்றன. அதிலும் அந்தாதூன் உலகளவில் புகழ் பெற்ற படமாக மாறியது. இப்போது பல மொழிகளில் ரீமேக் செய்யப்பட்டு வருகிறது. இப்போது அவர் விஜய் சேதுபதி மற்றும் காத்ரினா கைஃப் ஆகியோர் நடிப்பில் மெர்ரி கிறிஸ்துமஸ் என்ற படத்தை இயக்கி வருகிறார்.
இந்த படம் முதலில் கிறிஸ்துமஸ் 2022 ஆம் ஆண்டை ஒட்டி வெளியாகும் என அறிவிக்கப்பட்டது. ஆனால் பின்னர் ரிலீஸ் தேதி தள்ளி வைக்கப்பட்டது. இந்நிலையில் இப்போது டிசம்பர் 15, 2023 அன்று மெர்ரி கிறிஸ்துமஸ் திரைப்படம் வெளியாகும் என அதிகார்ப்பூர்வமாக அறிவிக்கப்பட்டுள்ளது.
