இந்த டகால்ட்டி வேலை எங்கிட்ட வேண்டாம்: சுதாரித்த மெர்சல் நிறுவனம்

ரஜினி, விஜய் படம் என்றாலே போட்டி போட்டு கொண்டு விநியோக உரிமையை அதிக விலை கொடுத்து வாங்குவதும் வெற்றி பெற்றால் லாபத்தை பையில் போட்டு கொண்டும், தோல்வி அடைந்தாலோ அல்லது சுமாராக ஓடினாலோ இருவரிடமும் நஷ்ட ஈடு கேட்டு இம்சிப்பதும் ஒருசில விநியோகிஸ்தர்கர்களின் கைவந்த கலையாக இருந்தது.

இந்த நிலையில் விஜய்யின் 'மெர்சல்' படத்தின் வியாபாரம் குறித்து கூட்டப்பட்ட மீட்டிங் ஒன்றில் விநியோகிஸ்தர்கள் தரப்பினர் பெரிதும் எதிர்பார்த்த 'விவேகம்' படமே கையை சுட்டுவிட்டது. எனவே மெர்சல் படத்தின் விலையை பார்த்து சொல்லுங்கள் என்று கூறியதாம்

உடனே சுதாரித்து கொண்ட தயாரிப்பு நிறுவனம் இந்த படத்திற்கு வியாபாரத்திற்கு விநியோகிஸ்தர்கள் யாரும் தேவையில்லை. நாங்களே நேரடியாக தியேட்டர்களில் ரிலீஸ் செய்து கொள்கிறோம் என்று கூறிவிட்டார்களாம். இதை சற்று எதிர்பாராத விநியோகிஸ்தர்கள் அதிர்ச்சியில் இருப்பதாக கேள்வி