அஜித் நடித்துள்ள ‘குட் பேட் அக்லி’ திரைப்படம், ஆதிக் ரவிச்சந்திரன் இயக்கத்தில் உருவாகி, எதிர்பார்ப்புகளின் மத்தியில் வரும் ஏப்ரல் 10ஆம் தேதி வெளியாகவுள்ளது. இந்நிலையில் இப்படத்தின் முதல் சிங்கிள் பாடல் தற்போது வெளியாகி, இணையத்தில் வேகமாக பரவி வருகிறது.
முதல் முறையாக இந்த பாடலைக் கேட்டவுடன், ஆவேசமும், அதிர்வும் நிறைந்த பாடல் என ரசிகர்கள் ஆர்வத்துடன் கருத்து தெரிவித்துள்ளனர். பாடல் வரிகள் ஒவ்வொன்றும் தீவிரமான உற்சாகத்துடன் இருப்பதாகவும், திரையரங்குகளில் இந்தப் பாடல் ஒலிக்கும்போது ரசிகர்கள் எழுந்து ஆட்டம் போடுவார்கள் என்றும் கூறப்படுகிறது.
அஜித், த்ரிஷா, பிரசன்னா, சுனில், ராகுல் தேவ் உள்ளிட்ட பலர் நடித்துள்ள இப்படத்திற்கு ஜி.வி. பிரகாஷ் இசையமைத்து வருகிறார். அபிநந்தன் ராமானுஜம் ஒளிப்பதிவு செய்துள்ள இந்த படத்தை, விஜய் வேலுக்குட்டி படத்தொகுப்பில் முடிக்க, மைத்ரி மூவி மேக்கர்ஸ் நிறுவனம் பிரமாண்டமாக தயாரித்துள்ளது.
