கர்நாடக மாநிலத்தை சேர்ந்தவர் ஐரிங்(50). இவர் ஒரு எலக்ட்ரீசியன். இவரது மனைவி சித்ரா. சித்ரா பொள்ளாச்சியை சேர்ந்தவர். இவர்களுக்கு சைனி(9), லைலோனி(12) என இரு மகள்கள் உள்ளனர். கணவருடன் ஏற்பட்ட கருத்து வேறுபாடு காரணமாக சித்ரா கணவரை பிரிந்து கோவையில் உள்ள தனது தாய் வீட்டில் வசித்து வந்தார்.
ஈரோட்டில் இறங்கிய ஐரிங் திடீரென, அப்பகுதியில் உள்ள ஒரு மின் கம்பத்தில் வேகமாக ஏறினார். இதைபார்த்த பொது மக்கள் உடனடியாக மின் ஊழியர்களுக்கும், தீயணைப்பு வீரர்களுக்கும், போலீசாருக்கும் தகவல் கொடுத்தனர். உடனடியாக மின்ஊழியர்கள் அந்த பகுதியில் மின் இணைப்பை துண்டித்தனர். சம்பவ இடத்திற்கு விரைந்த தீயணைப்பு வீரர்கள் நீண்ட நேர போராட்டத்திற்கு பின்னர் ஐரிங்கை பத்திரமாக மீட்டனர்.
போலீசார் நடத்திய விசாரணையில் ஐரிங் மனநலம் பாதிக்கப்பட்டிருப்பதாக தெரிய வந்தது. இதனையடுத்து ஐரிங்கின் உறவினர்கள் வரவழைக்கப்பட்டு, அவர்களிடம் ஐரிங் மற்றும் அவரது 2 மகள்களும் ஒப்படைக்கப்பட்டனர். இச்சம்பவம் ஈரோட்டில் பரபரப்பை ஏற்படுத்தியது.
