ஆனால் அதில் நிறைய விமர்சனங்கள் எழுந்ததால் இந்த முறை இலவச அரிசி, சர்க்கரையுடன் ரூ.1000 வழங்கப்படும் என அறிவிக்கப்பட்டுள்ளது. பொங்கல் தொகுப்பில் கரும்பு வழங்கப்படாதது குறித்து எதிர்கட்சிகள் உள்ளிட்ட பலரும் விமர்சித்துள்ளனர். கரும்பு கொள்முதல் செய்ய விவசாயிகளும் கோரிக்கை விடுத்துள்ளனர்.
இந்நிலையில் இதுகுறித்து பேசியுள்ள கூட்டுறவு துறை அமைச்சர் கே.ஆர்.பெரியகருப்பன் “கடந்த காலங்களில் வழங்கப்பட்ட பொங்கல் பை குறித்து குறைகள் சுட்டிக்காட்டப்பட்டன. அதன் அடிப்படையில் தவறுகளை தவிர்க்கும் விதமாக கரும்பு கொள்முதல் செய்யப்படவில்லை. ஆனால் தற்போது தோழமை கட்சிகளும், எதிர்கட்சிகளும் கரும்பு வழங்க வலியுறுத்தி வருகின்றன. பொங்கல் தொகுப்பில் கரும்பு வழங்கலாமா என்பது குறித்து முதலமைச்சர் ஆலோசித்து வருகிறார். விரைவில் இதுகுறித்த முடிவை அவர் அறிவிப்பார்” என கூறியுள்ளார்.
