யானை மிதித்து முதியவர் சாவு

ஈரோடு: ஈரோடு அருகே வனப்பகுதியில் ஆடு மேய்த்துக்கொண்டிருந்த முதியவரை காட்டு யானை மிதித்து கொன்றது.

ஈரோடு மாவட்டம் பர்கூர் வனப்பகுதி பெரியூர் மலைகிராமத்தை சேர்ந்தவர் உஸ்பிபத்ரன் (52). இவர் தனக்கு சொந்தமான ஆடு, மாடுகளை பர்கூர் வனப்பகுதியில் மேய்ப்பது வழக்கம். சம்பவத்தன்று வனப்பகுதிக்குள் ஆடு, மாடு மேய்க்க சென்ற உஸ்பிபத்ரன் இரவு ஆகியும் வீடு திரும்பவில்லை.
உடனே அவரது உறவினர்கள் நேற்று காலை முதல் பர்கூர் வனப்பகுதியில் அவர் வழக்கமாக ஆடு, மாடு மேய்க்கும் பகுதியில் தேடினர். அப்போது ஒரு அடர்ந்த வனப்பகுதியில் உஸ்பிபத்ரன் உயிருக்கு போராடிக்கொண்டிருந்ததை பார்த்தன‌ர்.

அவரை காட்டு யானை துதிக்கையில் தூக்கி வீசி கீழே போ‌ட்டு காலால் மிதித்தது தெரிவந்தது. உடனே அவரை சிகிச்சை‌க்காக கொ‌ண்டு வந்தனர் வரும் வழியிலேயே உஸ்பிபத்ரன் பரிதாபமாக இறந்தார்.