சென்னையில் ஆர்ப்பாட்டத்தில் ஈடுபட்ட புதிய தமிழகம் கட்சியினர், கோயம்பேட்டில் இருந்து ஆரணிக்கு புறப்பட்ட அரசு பேருந்தை வழி மறித்து சரமாரியாக கல்வீசி தாக்கினர். இதில் பேருந்தின் கண்ணாடிகள் உடைந்து நொறுங்கின. பின்னர் பெட்ரோல் ஊற்றி பேருந்தை தீவைத்துக் கொளுத்தினர். இதில் பேருந்தின இருக்கைகள் மளமளவென தீப்பிடித்து எரிந்தது.
இதை பார்த்த பயணிகள் அலறியடித்து பேருந்தை விட்டு கீழே இறங்கி ஓடினர். பின்னர் அந்த வன்முறை கும்பலைச் சேர்ந்தவர்கள் அங்கிருந்து தப்பித்து ஓடி விட்டனர்.
