‌கி‌‌றிஸ்துவ‌ர்களு‌க்கான 3.5 வ‌ிழு‌க்காடு இடஒது‌க்‌கீது ர‌த்து: த‌‌மிழக அரசு அ‌றி‌வி‌ப்பு!

தமிழ‌க‌த்‌தி‌ல் பிற்படுத்தப்பட்டோருக்கான இடஒதுக்கீட்டிலிருந்து, கிறிஸ்துவர்களுக்கு வழங்கப்பட்டிருந்த 3.5 ‌‌‌விழு‌க்காடு இடஒதுக்கீடு ரத்து செய்யப்படுவதாகவு‌ம், அதேசமயம் இஸ்லாமியர்களுக்கு வழங்கப்பட்ட 3.5 ‌விழு‌க்காடு தனி இடஒதுக்கீடு தொடர்ந்து நடைமுறைப்படுத்தப்படும் என முதலமைச்சர் கருணாநிதி அறிவித்துள்ளார்.

முதலமைச்சர் கருணாநிதியை இன்று தலைமைச் செயலகத்தில், சென்னை மயிலை பேராயர் சின்னப்பா, நாகர்கோயில் பேராயர் ரெமிஜியஸ், சென்னை சிஎஸ்ஐ பேராயர் தேவசகாயம், சட்டமன்ற உறுப்பினர் பீட்டர் அல்போன்ஸ், தமிழ்நாடு சிறுபான்மையினர் நல ஆணையத்தின் தலைவர் வின்சென்ட் சின்னத்துரை, பேராயர் எஸ்ரா சற்குணம் உள்ளிட்ட கிறிஸ்தவ சமுதாய பிரதிநிதிகள் சந்தித்து மனு ஒன்றை அளித்தார்கள்.

இ‌ந்த மனு‌வி‌ல், ''கிறி‌ஸ்துவர்களுக்கும், இஸ்லாமியர்களுக்கும் தலா 3.5 வ‌ிழு‌க்காடு உள்ஒதுக்கீடு தந்து சட்டமாக்கி சரித்திரம் படைத்தீர்கள். ஆனால் அந்த சட்டம் நடைமுறைக்கு வந்தபோது, உயர்கல்வி நிறுவனங்களில் மாணவர்கள் அனுமதியிலும், வேலைவாய்ப்பிலும், முன்பு பிற்படுத்தப்பட்டோர் இடஒதுக்கீட்டின் அடிப்படையில் பெற்ற வாய்ப்புகளை விட மிகக்குறைவாகவே இப்போது பெற முடிந்துள்ளது.

எனவே, பிற்படுத்தப்பட்ட கிறிஸ்தவ சிறுபான்மையினருக்கான 3.5 ‌விழு‌க்காடு இடஒதுக்கீட்டை திரும்பப் பெற்று முன்பு இருந்தபடி, பிற்படுத்தப்பட்டோர் இடஒதுக்கீட்டிலேயே தொடர்ந்து கிறிஸ்துவர்கள் இருக்க வாய்ப்பளிக்க வேண்டும்'' என்று அவர்கள் கோரியிருந்தனர்.

இந்த கோரிக்கையை ப‌ரி‌சீலனை செய்த முதலமைச்சர் கருணாநிதி, பிற்படுத்தப்பட்ட கிறிஸ்துவ, இஸ்லாமிய மக்களுக்கு கல்வி, வேலைவாய்ப்பில் தனி இடதுக்கீடு வேண்டும் என்ற கோரிக்கை தி.மு.க அரசால் ஏற்றுக் கொள்ளப்பட்டு தலா 3.5 ‌விழு‌க்காடு இடஒதுக்கீடு அறிவிக்கப்பட்டது.

நல்ல எண்ணத்துடன் கோரிக்கை வைக்கப்பட்டு, அதே எண்ணத்துடன் அரசு சார்பில் நிறைவேற்றப்பட்ட உத்தரவை நீதிபதி ஜனார்த்தனம் குழு ஆய்வு செய்து அறிக்கை பெற்று தனி இடஒதுக்கீட்டுக்கான அவசர சட்டம் 2007ம் ஆண்டு செப்டம்பர் 15ம் நாள் முதல் அமலுக்கு வந்தது.

கோரிக்கை நிறைவேறியது என்ற மகிழ்ச்சியை கிறிஸ்துவ சமுதாயத்தை பொறுத்தவரையில், முழுமையாக அடைய முடியாமல் பின்னடைவு ஏற்படக்கூடும் என்ற ஐயப்பாட்டை தோற்றுவித்துள்ளது.

எனவே, பின்னடைந்துள்ள இஸ்லாமிய மக்களுக்கு தனி ஒதுக்கீடு மூலம் ஆதாயத்தை அவர்கள் வரவேற்கும் நிலையில் கிறிஸ்துவர்களுக்கு இந்த இடஒதுக்கீடு மூலம் முன்பு இருந்த வாய்ப்புகள் குறைவதை கருத்தில் கொண்டு, பிற்படுத்தப்பட்ட கிறிஸ்துவர்களுக்கு பழையபடியே இடஒதுக்கீடு தொடர்ந்திட, அவர்களுக்கு வழங்கப்பட்ட தனி இடஒதுக்கீட்டை திரும்பப் பெறுவதென்றும், சட்டத்தில் தக்க திருத்தம் மேற்கொள்வது என்றும், பிற்படுத்தப்பட்ட இஸ்லாமியர் கல்வி, வேலைவாய்ப்புகளில் இன்னும் முன்னேற்றம் காண வேண்டிய சூழ்நிலையை கருதி அவர்களுக்கு மட்டும் இந்த தனி இடஒதுக்கீடு ஆணையை நடைமுறைப்படுத்துவது என்றும் அரசு முடிவெடுத்துள்ளது என முதலமைச்சர் தெரிவித்தார்.

இந்த சந்திப்பின் போது, அமைச்சர்கள் ஆற்காடு வீராசாமி, பொன்முடி, சுரேஷ் ராஜன், கீதா ஜீவன், திட்டக்குழு துணைத் தலைவர் நாகநாதன் மற்றும் உயர் அதிகாரிகள் உடன் இருந்தனர் எ‌ன்று த‌மிழக அரசு இ‌ன்று வெ‌ளி‌யி‌ட்டு‌ள்ள செ‌ய்‌தி‌க்கு‌றி‌ப்‌பி‌ல் தெ‌ரி‌வி‌க்க‌ப்ப‌ட்டு‌ள்ளது.