அரசுப் பேருந்து - கார் மோதல்: ஒருவர் பலி; 5 பேர் படுகாயம்!
திங்கள், 4 ஆகஸ்ட் 2008 (13:46 IST)
காஞ்சீபுரம் மாவட்டத்தில் அரசுப் பேருந்து மீது கார் மோதிய விபத்தில் வாகனத்தில் வந்த ஒருவர் நிகழ்விடத்திலேயே பலியானார். 5 பேர் படுகாயமடைந்தனர்.
சென்னை - திருச்சி தேசிய நெடுஞ்சாலையில் சின்னகொலம்பாக்கம் என்ற கிராமத்தில் ஏற்பட்ட இந்த விபத்தில், நெய்வேலியில் இருந்து சென்னைக்கு பொருட்கள் வாங்க ஒரு குடும்பத்தை சேர்ந்த 5 பேர் காரில் வந்து கொண்டிருந்தனர்.
அப்போது காரின் ஓட்டுனர், எதிரே வந்த அரசு பேருந்து மீது வேகமாக மோதினார். இதில் காரில் வந்த சகுந்தலா (65) என்ற பெண் பலியானார். ராவ்(44), உஷா (43), காயத்ரி (18), தாரணி (13), கார் ஒட்டுனர் முருகன் (38) ஆகியோர் படுகாயமடைந்தனர்.
படுகாயமடைந்தவர்கள் செங்கல்பட்டு அரசு மருத்துவமனையில் அனுமதிக்கப்பட்டு, மேல் சிகிச்சைக்காக சென்னையில் உள்ள ஒரு தனியார் மருத்துவமனைக்கு கொண்டு செல்லப்பட்டனர். இந்த விபத்து குறித்து காவல் துறையினர் விசாரித்து வருகின்றனர்.
