இது குறித்து அவர் கூறுகையில், "அண்மையில் ராமேஸ்வரம் கடல் பகுதியில் மீன் பிடிக்க சென்ற 12 மீனவர்களும், 3 விசை படகுகளுடன் சிறிலங்கா கடற்படையினரால் சிறை பிடிக்கப்பட்டனர். அவர்களை விடுவிக்க நடவடிக்கை எடுக்க வேண்டும் என்று எதிர்க் கட்சியினரும், தோழமை கட்சியினரும் அரசுக்கு கோரிக்கை விடுத்தனர்.
இதை ஏற்று, அந்த மீனவர்களை விடுவிக்க தமிழக அரசு தீவிர நடவடிக்கை எடுத்தது. முதல்வர் கருணாநிதி கடந்த 2 தினங்களாக தொடர்ந்து மத்திய அரசிடம் பேசினார். நேற்று இரவும் இதுபற்றி பேசி, உடனடியாக தமிழக மீனவர்களை விடுவிக்க நடவடிக்கை எடுக்க வேண்டும் என்று வற்புறுத்தினார்.
இதையடுத்து எடுக்கப்பட்ட நடவடிக்கை காரணமாக கைது செய்யப்பட்ட 12 தமிழக மீனவர்களையும், 3 படகுகளுடன் சிறிலங்கா அரசு இன்று விடுவித்துள்ளது" என்றார்.
