வைகுண்ட ஏகாதசியை முன்னிட்டு சென்னையில் இருந்து மதுரை செல்லும் ரயில்கள் அனைத்தும் ஸ்ரீரங்கம் ரயில் நிலையத்தில் டிசம்பர் 19, 20 ஆகிய தேதிகளில் நின்று செல்லும் என தெற்கு ரயில்வே அறிவித்துள்ளது.
மத்திய ரயில்வே இணை அமைச்சர் வேலு உத்தரவின் பேரில், நாளை நடைபெறும் வைகுண்ட ஏகாதசியையொட்டி ஸ்ரீரங்கம் ரங்கநாதசுவாமி கோவிலுக்கு வரும் பக்தர்கள் வசதிக்காக, சென்னையிலிருந்து மதுரை செல்லும் ரயில்கள் அனைத்தும் ஸ்ரீரங்கம் ரயில் நிலையத்தில் நின்று செல்லும் என தெற்கு ரயில்வே அறிவித்துள்ளது.
சென்னை எழும்பூரில் இருந்து மாலை 4.50 மணிக்கு மதுரை புறப்படும் வைகை விரைவு ரயிலும் (2635) , மதுரையில் இருந்து சென்னைக்கு காலை 9.33 மணிக்கு புறப்படும் வைகை விரைவு ரயில் (2636) நின்று செல்லும் என்று தெற்கு ரயில்வே தெரிவித்துள்ளது.
